Duogášdieđut

Urálalaš historjjálaš atlas, URHIA, lea rabas báikediehtovuorká, mii lea veahkkin olbmo historjjá dutkamii máŋgga dieđasuorggis. Dasa leat čohkkejuvvon dieđut earret eará dáid temáid birra: urálalaš gielaid hállanguovllut, arkeologalaš gávdnosat, urálalaš gielaid struktuvra, urálalaš giellaguovllu ássiid dálá ja dološ genetihkka, šaddogearddit, jiehkit ja dološ dálkkádagat. Báikediehtovuorkká geavaheaddjit sáhttet geahčadit báikediehtomateriálaid, ovttastahttit ja buohtastahttit temáhtalaš kárttaid ja viežžat kárttaid alcceseaset.

Kártadiehtovuorká gullá Turku universitehtii. Dat lea ráhkaduvvon prošeavttas Uralilainen Kolmio URKO (2020–2022), man Suoma Akademiija lea ruhtadan. URHIA almmustahttá materiálaid iešguđet gálduin. Materiálaid geavaheami várás gávdnojit lobit ja liseanssat. Dieđut dahkkivuoigatvuođaid ja gálduid birra almmuhuvvojit sierra juohke materiála buohta..

Buot Urálalaš historjjálaš atlasa dieđut leat lisensierejuvvon Creative Commons Attribution 4.0 International (CC BY 4.0) -liseanssain. Liseansa addá dutnje vuoigatvuođa juohkit ja heivejit dieđuid, jus buvttát ovdan gáldočujuhusa, liŋkka lisensii ja dieđihat vejolaš rievdadusaid birra, iige ráddje eará dieđuid geavaheami (detáljaid birra gč. Creative Commons). Juohke materiála oktavuođas leat rávvagat dasa mo daidda galgá čujuhit.