Maid Ohcejogas livččii árvvolaš dutkat?
Geavu álbmotdutkit lea geahččaleapmi, mas Ohcejoga ássit ja Turku universiteahta dutkit ohcet ovttas báikkálaččat dehálaš dutkan- ja ovddidanfáttáid. Ássit buktet mielde iežas vásáhusas ja dieđuideaset Ohcejogas, dutkit fas dutkandieđu ja iežas suorggi čehppodaga. Ovttas suokkardallat, maid guovllus livččii miellagiddevaš ja dehálaš čielggadišgoahtit ja ovddidišgoahtit.
Mii rievtti mielde dáhpáhuvvá?
Skábmamánus 10.11. ordnejuvvo gáiddusoktavuođa bokte rabas háleštallandilálašvuohta, mas suokkardallat, mat áššit Ohcejogas leat dehálaččat ja maid livččii beroštahttit dutkat ja ovddidit. Háleštallamiid vuođul dutkit čohkkejit ovdan boahtán fáttáid ja ovttastahttet daid iežaset dutkančehppodahkii ja gárvvistit ná earálágan dutkan- ja ovddidanálgagiid.
Geavu dutkanstašuvnnas ordnejuvvo 2.12. oktasaš álggahandilálašvuohta, mas dutkit ovdanbuktet álgagiid ja dain beroštuvvan riikkavuložat sáhttet searvat daid joatkkagárvvisteapmái. Dán maŋŋá bargu joatkašuvvá smávit joavkkuin ovttas dutkiiguin.
Joavkkut barget dálvvi 2026-2027 iežaset fáttáiguin. Bargama dárkilut vuogit sohppojuvvojit ovttas.
Dilálašvuođat ja ovttasbargan ollašuhtto álgoplána mielde suomagillii. Giellaáššis háleštallojuvvo goittotge vuosttas, skábmamánu dilálašvuođas ja dan vuođul árvvoštallat earágielat ollašuhttima dárbbu ja vejolašvuođaid.
