Diehtu Geavu álbmotdutkit -pilohtas

Ođđa dieđu sáhttá ohcagoahtit ođđa vugiin

Geavu álbmotdutkit lea pilohtta, mii lea álgimin ovttasbarggus Turku universiteahta ja Ohcejoga báikkálaš doaibmiid gaskkas. Pilohtas dutkit ja guovllu ássit ohcet ovttas Ohcejoga dáfus mearkkašahtti dutkan- ja ovddidanfáttáid, ovddidit dutkanideaid ja álggahit ođđa ovttasbargoprošeavttaid. Seammás geahččalat, makkár geavadat dorjot dutkiid ja báikkálaš olbmuid ovttasbarggus Ohcejogas.

Duogáš

Geavu álbmotdutkit -pilohta badjánii guovllus dovdájuvvon dárbbus nannet Turku universiteahta ja báikkálaš doaibmiid dutkanovttasbarggu. Pilohtta huksejuvvo golmma duvddajuolggi ala.

Turku universiteahtta, Ohcejoga gielda ja Sámediggi vuolláičálle jagi 2025 ovttasbargosoahpamuša, man mihttomearrin lea nannet mearrediđolaš dutkan-, skuvlen- ja ovddidanovttasbarggu. Geavu álbmotdutkit -pilohta konkretisere dán ovttasbarggu geahččalemiin doaimma, mas dutkit ja báikkálašsearvvuš ovddidit dutkamuša ovttas.

Geavu dutkanstašuvnna guhkes dieđalaš árbevierru ja guvllolaš lahkaorrun dahket nana vuođu ođđa doaimma ovddideapmái.

Turku universiteahta jagi 2025 vuođđuduvvon álbmotdutkanpanela vásáhusat čujuhit, mo dutkit ja álbmot sáhttet dahkat dutkamuššii láktasan ovttasbarggu geavatlaš dásis. Ohcejogas dán čehppodaga sáhttá heivehit báikkálašbirrasis.

Ohcejogas luondu, kultuvra, ealáhusat ja olbmo árga leat lávga oktavuođas gaskaneaset. Guovllu boahttevuhtii váikkuhit earret eará dálkkádatrievdan, luonddu máŋggahámatvuođa nuppástusat ja nuppástuvvi geopolitihkalaš doaibmabiras. Nuppástusaide laktásit máŋggalágan hástalusat ja vejolašvuođat.

Nuppástusaid ipmirdeapmái ja boahttevuođa huksemii dárbbašat ođđalágan jurddašeami ja ođđa dieđu. Dán sáhttá álgit hukset vugiin, mas báikkálaš diehtu, vásáhusat ja dutkojuvvon diehtu buktojuvvo oktii. Dutkama guovlu ii meroštallo dušše universiteahtas, muhto báikkálaš olbmot sáhttet váikkuhit dasa, mii adnojuvvo dutkama dáfus guovddážis.

Geavu pilohtas geahččalat dán lahkonanvuogi. Geahččaleapmi huksejuvvo Turku universiteahta álbmotdutkanpanela vásáhusaide: álbmotlahtut leat movttiidan ja aktiivvalaččat oassálastit ja sis lea olu addit dutkamuššii, ja dutkit vásihit ovttasbarggu ávkkálažžan. Dál dát doaibma dolvojuvvo ođđa birrasii ja guorahallat, mii šaddá, go ovttasbargu huksejuvvo álggu rájes báikkálaš servošiiguin.

Pilohta vuolggasadji ii leat ovddalgihtii meroštallojuvvon dutkanfáddá dahje -jearaldat, muhto oktasaš háleštallan das, maid Ohcejogas livččii dehálaš ja miellagiddevaš dutkat. Mihttomearrin lea dovdát báikkálaččat mearkkašahtti fáttáid ja hukset daid vuođul ovttas dutkan- ja ovddidanideaid.

Pilohtas sáhttá šaddat:

ođđa dutkanfáttát ja -jearaldagat
oktasaš dutkan- ja ovddidanideat ja -prošeavttat
ođđalágan vuogit ovttastahttit báikkálaš dieđu ja dutkojuvvon dieđu
vásáhusat das, makkár dutkiid ja báikkálaččaid ovttasbargu doaibmá Ohcejogas
vuođđu mearrediđolut ovttasbargu

Seammás pilohta mihttomearrin lea nannet dieđaoasálašvuođa, dutkama servodatlaš váikkuheaddjivuođa sihke diehtaga ja servodaga gaskasaš dialoga.

Maid gánneha dutkat, go boahttevuohta buktá ovdan ođđa jearaldagaid?

Mii ođđa sáhtašii šaddat, jus dutkamuša guovllu ohcat ovttas?

Geavatlaččat

1.Báikkálaš oainnut veahkehit dovdát fáttáid, maid Ohcejogas livččii dehálaš dutkat dahje ovddidit.

Skábmamánus 10.11. ordnejuvvo rabas háleštallandilálašvuohta, mas gullat, mat áššit Ohcejogas leat mearkkašahttit ja maid livččii miellagiddevaš dutkat dahje ovddidit.

2. Dutkit hábmejit ideain dutkan- ja ovddidanhápmosiid.

Dutkit čohkkejit ovdan háleštallandilálašvuođain badjánan fáttáid ja ovttastahttet daid iežaset dutkančehppodahkii. Sii gárvvistit dáin dutkan- ja ovddidanálgagiid, mat buktojuvvojit ovdan 2.12. álggahandilálašvuođas. Beroštuvvan álbmotlahtut sáhttet vuolgit mielde joatkkabargui.

3. Miellagiddevaš ideaid joatkit oktasaš prošeavttain ja geahččalemiin.

Bargu joatkašuvvá smávit joavkkuin dutkiid ja báikkálaš oassálastiid gaskkas. Joavkkut sohpet iešráđálaččat bargovugiin ja -hámiin.

Dilálašvuođat ja ovttasbargan ollašuhtto álgoplána mielde suomagillii. Giellaáššis háleštallojuvvo goittotge vuosttas, skábmamánu dilálašvuođas ja dan vuođul árvvoštallat earágielat ollašuhttima dárbbu ja vejolašvuođaid.

Čakčat 2026 pilohta álggahuvvo Ohcejogas. Skábmamánus ordnejuvvo rabas háleštallandilálašvuohta, mas gullat báikkálaččaid jurdagiid dehálaš dutkan- ja ovddidandárbbuid. Juovlamánus dutkit ja báikkálaš oassálastit čoahkkanit oktasaš álggahandilálašvuhtii ja álget bargat miellagiddevaš fáttáiguin ovttas.

Loga lasi oassálastiid siiddus.

Turku universiteahta Dieđa gullá buohkaide! -prošeakta koordinere Geavu álbmotdutkit -pilohta ollašuhttima. Dasa oassálastet universiteahtain sierra dieđasurggiid dutkit, geat buktet mielde iežas dutkan- ja áššečehppodagas ja ollašuhttet searvvušprošeavttaid báikkálaš álbmotoassálastiiguin.

Geavu dutkanstašuvdna fállá áidnalunddot birrasa ovttasbargui.

Fidnu huksejuvvo ovttasbargui Turku universitehtain, Ohcejoga gielddain ja Sámedikkiin. Báikkálaš ovttasbargobealit leat oassálastán geahččaleami plánemii ja dorjot báikkálaš servošiid fáhtema ja kultuvrralaččat suvdilis doaibmavugiid huksema. Ovttasbargguin figgat sihkkarastit, ahte geahččaleami bohtosiid sáhttá ávkkástallat mearrediđolaččat maiddái fidnu nohkama maŋŋá.

Háliidatgo boahtit mielde?

Loga lasi oassálastiid iežaset siiddus

Tämä sivu suomeksi